ट्रम्पको स्वास्थ्य अवस्था जोखिममा

१८ असोज, काठमाडौं । अमेरिकी राष्ट्रपति डोनाल्ड ट्रम्प अहिले कोरोना भाइरस (कोभिड-१९) विरुद्ध लडिरहेका छन् । कोरोना संक्रमण देखिएसँगै वाल्टर रिड नेशनल मिलिट्री मेडिकल सेन्टरमा उनको उपचार भइरहेको छ ।

ट्रम्पका डाक्टर सिन कोन्लीले अबको केही दिन ट्रम्पका लागि महत्वपूर्ण भएको बताएका छन् । कोन्लीका अनुसार ट्रम्पमा कोरोनाको संक्रमण दोस्रो चरणमा छ । यसअघि शनिबार साँझ ट्रम्प आफैंले ट्वीटरमा एउटा भिडियो पोस्ट गर्दै आफूलाई निको हुँदै गएको र अबको केही दिनमा कोरोना विरुद्धको लडाइँको वास्तविक परीक्षण हुने बताएका थिए ।

कोरोनाको संक्रमितको उपचार गरिरहेका डाक्टरहरुले पनि अबको तीनदेखि पाँच दिन ट्रम्पका लागि सबैभन्दा महत्वपूर्ण हुने बताएका छन् । कोरोनाको लक्षण देखिएको केही दिनपछि मानिसको प्रतिरोधी प्रणालीले कोरोनासँग सबैभन्दा महत्वपूर्ण लडाइँ लड्ने जानकारहरुको भनाइ छ । यो लडाइँ घातक पनि हुन सक्ने उनीहरु बताउँछन् ।

भेन्डरबिल्ट युनिभर्सिटीका संक्रामक रोग विशेषज्ञ डाक्टर विलियम स्क्याफ्नरका अनुसार कोरोना लागेको केही समयसम्म संक्रमित सही अवस्थामा देखिन्छ तर त्यसपछि भने अवस्था बिग्रिँदै जान सक्छ ।

‘यदि प्रतिरक्षा प्रणालीले सहीरुपमा कोरोना भाइरसलाई निशाना बनाउन सकेन भने मानिसको स्वास्थ्य अवस्था झन् कमजोर बन्दै जान्छ,’ उनले भने ।

शनिबार ह्वाइट हाउसका चिफ अफ स्टाफ मार्क मिडोजले राष्ट्रपतिको अवस्था पछिल्लो २४ घण्टामा चिन्ताजनक रहेको र उनको उपचारको दृष्टिले हेर्दा अबको ४८ घण्टा निकै संवेदनशील रहेको बताए । ट्रम्पको स्वास्थ्यमा पूर्ण सुधारको विषयमा आफूहरु अझै स्पष्ट नरहेको उनको भनाइ छ ।

अमेरिकी सञ्चारमाध्यमहरुका अनुसार शुक्रबार अस्पताल लगिनुभन्दा अगाडि उनलाई अक्सिजन चढाइएको थियो । कोरोना संक्रमणको सुरुआतमा शरीरले प्रयोग गर्ने प्रतिरक्षा प्रणालीले केसँग लड्नुपर्ने हो भन्ने कुरा थाहा नपाउने मायो क्लिनिक भ्याक्सिन रिसर्च ग्रुपका डाक्टर ग्रेग पोल्याण्ड बताउँछन् । यस किसिमको प्रतिरक्षा प्रणालीलाई इननेट इम्युन सिस्टम भनिन्छ ।

प्रतिरक्षा प्रणालीले आफैँ भाइरसलाई पत्ता लगाएर निसाना बनाउन सक्नु निको हुनको लागि महत्वपूर्ण हुन्छ । यसलाई एडप्टिभ इम्युन सिस्टम भनिन्छ । स्वास्थ्य अवस्था गम्भीर हुन नदिनको लागि इननेट र एडप्टिभ इम्युन सिस्टम सन्तुलनमा हुनुपर्छ ।

कोरोनाकै कारण मात्र पनि जटिलता बढ्दैन । मानिसको स्वास्थ्यमा जटिलता बढ्नुको एक कारक उमेर पनि हो । उमेर बूढो हुँदै गएपछि शरीरमा एडप्टिभ इम्युन सिस्टम सक्रिय पार्नमा सफल हुने सम्भावना पनि कम हुन्छ । जून महिनामा ट्रम्प ७४ वर्ष पूरा भएका छन् । यो उमेरका मानिसलाई कोरोनाको जोखिम २० को दशकका मानिसलाई भन्दा ९९० गुणा बढी हुने अमेरिकाको रोग नियन्त्रण तथा रोकथाम केन्द्र (सीडीसी)को तथ्यांक छ ।

आइतबार साँझसम्ममा सार्वजनिक भएको सूचनाले भने अहिलेसम्म उनको स्वास्थ्यमा कत्तिको सुधार आयो भन्ने कुरा पत्ता लगाउन नसकिने जानकारहरु बताउँछन् । यद्यपि उनको ज्वरो कम हुनु सुखद संकेत रहेको चिकित्सकहरुको भनाइ छ । तर यसैको आधारमा उनी पूर्णरुपमा जोखिमभन्दा बाहिर छन् भन्न सकिने अवस्था भने छैन ।

स्रोत : द साउथ चाइना मर्निङ पोस्ट

विवादित अध्यादेशबीच नेकपा स्थायी समिति बैठक आज बस्दै

भरोसा संवाददात, काठमाडौं, पुस १, २०७७ । विवादका चाङ्गबीच नेपाल कम्युनिष्ट पार्टी (नेकपा)को स्थायी कमिटी बैठक आज बस्दैछ । बालुवाटारमा दिउँसो १ बजे बस्ने ....

रूपा गा.पा मा १५ सैय्याको अस्पताल बन्दै

१५ मङ्सिर २०७७,  कास्की, भरोसा खबर देशका विभिन्न पालिकामा रहेका आम नागरिकहरुलाइ स्वास्थ्य सेवा सहज बनाउने लक्ष्य सहित संघीय सरकारले तय गरेको "१५ शैय्य....

खुल्यो अल्ट्रालाईट उडान

  २६ कार्तिक, २०७७, कास्की - पोखरामा लामो समयसम्म  ठप्प रहेको अल्ट्रालाईट उडान आज देखि पुनः शुरू भएको छ । नेपालमा कोरोना भाइरसको संक्रमण बढेसंगै अल्....

View all

केहि प्रावधान सहित १२० दिन लामो लकडाउन हट्यो

६ साउन, काठमाडौं । १२० दिन लामो लकडाउन मंगलबार मध्यरातदेखि अन्त्य भएको छ । मन्त्रिपरिषद्को सोमबार बसेको वैठकले चैत ११ गतेदेखि जारी लकडाउन साउन ६ अर्था....

डिभी परेर वडाध्यक्ष अमेरिकामा, वडा कार्यालय नेतृत्वविहीन

हेटौँडा, २८ कात्तिक (रासस) मकवानपुरको भिमफेदी गाउँपालिका– ८ का वडाध्यक्ष डिभी परेर अमेरिका गएपछि सार्वजनिक सेवा र विकास निर्माणको काम प्रभावित भएको छ ....

महागढीमाईमा रु १७ लाख भेटी

बाराको महागढीमाई नगरपालिका–१ बरियारपुरमा लागेको पञ्चवर्षीय गढीमाई मेलामा करिब रु १७ लाख भेटी चढेको छ । हरेक ५÷५ वर्षमा लाग्ने गढीमाई मेलामा चढेको....

विवादित अध्यादेशबीच नेकपा स्थायी समिति बैठक आज बस्दै

भरोसा संवाददात, काठमाडौं, पुस १, २०७७ । विवादका चाङ्गबीच नेपाल कम्युनिष्ट पार्टी (नेकपा)को स्थायी कमिटी बैठक आज बस्दैछ । बालुवाटारमा दिउँसो १ बजे बस्ने ....

विद्युत प्राधिकरणको निर्देशकमा हितेन्द्रदेव शाक्य नियुक्त

भरोसा सम्बाददाता, २४ कात्तिक, काठमाडौं । ऊर्जा मन्त्रालयले हितेन्द्रदेव शाक्यलाई नेपाल विद्युत प्राधिकरणको निमित्त कार्यकारी निर्देशकमा नियुक्त गर....

यसपालीको राष्ट्रिय जनगणनामा ६० हजारले अस्थायी रोजगारी पाउने

भरोसा सम्बाददाता, काठमाडौं, कात्तिक १७, २०७७। दस/दस  वर्षको अन्तरालमा हुने राष्ट्रिय जनगणना कार्यक्रमको तयारी  यस पटक पनि तीव्र रूपमा थालिएको छ । आगाम....

View all