गण्डकी प्रदेशमा पत्रकार सहित १९ जना कोरोना संक्रमीत

भरोसा खबर

 २७ असोज २०७७, कास्की – नेपालमा कोरोनाको संक्रमण भुसको आगो जस्तै फैलिएको वर्तमान अवस्थाले नजिकिदै गरेको दशै प्रभावित हुने संकेत देखिएको छ । दिनमा दुगुना र रातमा चौगुना फैलिएको यो भाइरसका कारण संक्रमीत र मृत्यु संख्यामा वृद्धि भएको छ । आज दिउसो २:४५ बजे सार्वजनिक गरिएको  पोखरा स्वास्थ्य विज्ञान प्रतिष्ठानको दोस्रो   प्रेस विज्ञप्ति अनुसार यस प्रदेशमा १९ जनामा कोरोना संक्रमण पुष्टि  भएको  छ । जसमध्ये कास्की पोखरा महानगरपालिका विभिन्न वडाका ६ महिला र ११ पुरुष गरि १७जना हुनुहुन्छ । पोखरा – ७ का३५ वर्षका पुरुष जिल्लामा पत्रकारिता पेशामा हुनुहुन्छ भने अन्यको कामको विवरण खुलेको छैन  । पोखराका ३४ वर्षका एक पुरुष को वडा पहिचान नभएको विज्ञप्तिमा उल्लेख छ । उहाँहरु २७ – ७७ बर्ष उमेर समुहका रहेको जनाइएको छ ।

त्यसैगरी तनहुँका बन्दिपुर – १ का ५७ बर्षकि १ महिला र अाँबुखैरेनी – ३ का १२वर्षका १ पुरुष गरि २ जनामा कोरोना संक्रमण देखिएको हो । संक्रमित सबै १९ जना पोखरा स्वास्थ्य विज्ञान प्रतिष्ठान पोखरा को fever clinic बाट पहिचान हुनुभएको हो । सबैलाई आइसोलेसनमा व्यवस्थापन गर्ने तयारी भइरहेको स्वास्थ्य  निर्देशनालय गण्डकी प्रदेशका स्वास्थ्य निर्देशक डा. बिनोद बिन्दु शर्माद्वारा हस्ताक्षरित   प्रेस  विज्ञप्तिमा जनाइएको  छ । यो संगै गण्डकी प्रदेशमा कोरोना संक्रमितको संख्या ५०२४ पुगेको छ ।