रूपा गा.पा मा १५ सैय्याको अस्पताल बन्दै

देशका विभिन्न पालिकामा रहेका आम नागरिकहरुलाइ स्वास्थ्य सेवा सहज बनाउने लक्ष्य सहित संघीय सरकारले तय गरेको “१५ शैय्याको अस्पताल” निर्माण  कार्यक्रम रूपा गाउँपालिकामा पनि सुरु भएको  छ । रूपा गाउँपालिका वडा नं. ६ भिरचोकमा ९ रोपनी क्षेत्रफलमा निर्माण हुने सो अस्पतालको गाउँपालिका अध्यक्ष एवं प्रमुख अतिथि नवराज ओझाले आज एक कार्यक्रमका साथ सिलन्यास गर्नुभयो । स्वास्थ्य चौकी व्यवस्थापन समितिका अध्यक्ष तथा वडा नं.६ का अध्यक्ष नारायण गुरुङको सभापतित्वमा सम्पन्न उक्त कार्यक्रममा रूपा गाउँपालिकाका पदाधिकारीहरु, सबै वडाका वडाअध्यक्षहरु  सहित सरोकारवालाहरुको पनि उपस्थिति रहेको थियो । उक्त सिलन्यास कार्यक्रम मा बोल्नुहुँदै प्रमुख अतिथि ओझाले भन्नुभयो हाल ५ सैय्या संचालनमा रहेको र थप ५ सैय्या ३ महिनामा संचालनमा ल्याउने गरि काम हुने र बाकी ५ सैय्या २ वर्षभित्र तयार गरिसक्ने गरि नवीन कार्यको सुरुवात भएको छ यो हामी रूपाबासीको ठुलो प्राप्ति हो । दुई तलाको भवन निर्माण गर्न करिब १८ करोड कुल लागत लाग्ने पनि उहाँले बताउनुभयो । प्रमुख कार्यकारी अधिकृत सन्तोष ढुङ्गानाले संचालन गर्नुभएको सो कार्यक्रममा स्वास्थ्य प्रमुख रामचन्द्र ओझाले कार्यक्रमको औचित्यमाथी प्रकाश पार्नुभयो भने तुल बहादुर गुरुङ र सहाबक्स मियाको शुभकामना मन्तव्य र वडाध्यक्षका तर्फबाट दयासागर पौडेलले बोल्नुभएको थियो । सो कार्यक्रममा गाउँपालिका उपाध्यक्ष लालसुब्बा गुरुङले सबैलाई स्वागत गर्नुभएको थियो ।