भरोसा खबर संवादाता

 १५ फाल्गुन २०७७ – नेपाल सरकार को राष्टिय गौरवको आयोजना मध्ये पोखरा अन्तर्राष्ट्रिय विमानस्थल पनि एक हो । यश क्षेत्रको बिकासका लागि बिमानस्थल निर्माण समयमै सम्पन्न गर्न जरुरी देखिन्छ तर बाधक तत्त्वहरु प्रशस्तै छन्  ती मध्ये रिठेपानी डाँडा एक हो । पोखरा अन्तर्राष्ट्रिय विमानस्थलमा जहाज आउजाउ गर्न बाधक बन्ने देखिएको रिठेपानी डाँडा काट्न संसदीय समितिले सरकारलाई निर्देशन गरेको छ । निर्माणाधीन विमानस्थलका लागि देखिएका मुख्य समस्यामध्ये उक्त डाँडा कटान पनि एक हो ।

संघीय संसद् राष्ट्रियसभा अन्तर्गतको दिगो विकास तथा सुशासन समितिको बिहीबारको बैठकले डाँडा कटानका लागि संघ सरकारको वन मन्त्रालयलाई निर्देशन गरेको छ । समितिकी सभापति तारादेवी भट्ट नेतृत्वको टोलीले २७ माघमा पोखरा विमानस्थल आयोजना भ्रमण गरी यहाँका समस्याबारे बुझेको थियो ।

विमानस्थलको दक्षिण पूर्वमा रहेको रिठेपानीडाँडा कटान गर्ने कार्य आगामी ६ महिनाभित्र सम्पन्न गर्न संस्कृति पर्यटन तथा नागरिक उडड्यन मन्त्रालयलाई निर्देशन दिने निर्णय भएको छ,’ समिति सभापति तारादेवी भट्टले भन्नुभयो । सभापति भट्टले डाँडा कटान भएको प्रगति विवरण समितिमा पेस गर्नसमेत मन्त्रालयलाई निर्देशन दिनुभएको छ ।