“विश्व दया दिवस” को अवसरमा बृहत नृत्य कार्यक्रम सम्पन्न

२५ कार्तिक, काठमाण्डौं । “विश्व दया दिवस” को अवसरमा लाईफ वेष्ट इनसाईडले विश्वका धेरै राष्ट्रहरुमा एक साथ एकै दिन मनाउने गरेको बृहत नृत्य कार्यक्रम यही नोभेम्बर १० आईतबारका दिन पाटन मंगलबजारमा भब्यताका साथ सम्पन्न भएको हो । करिब ६५ भन्दा बढी देशका २४७ शहरहरुमा नाचका साथ मनाईएको सो कार्यक्रम नेपालमा पनि एकै समयमा शुरु गरिएको थियो । स्कुले नानीहरु र सयौं युवाहरु सहभागी भएको सो कार्यक्रम सामुहिक नृत्यका कारण अति आर्कषक देखिएको थियो । धर्म, संस्कृति, जात, वर्ण आदि बिच सद्भावना, भलाई, एकता तथा सहिष्णुता कायम गर्ने सन्देश बोकेको सो कार्यक्रमले वास्तवमै युवाहरुमा एकता र दयाको भावना फैलाएको नेपालको आधिकारिक सहजकर्ता श्याम कठायतले भरोसा खबरलाई बताउनुभयो साथै लाईफ वेष्ट इनसाईड नेपालका समुहको अथक प्रयास र सहभागीहरुको उत्साहजनक सहभागीतको कारण उक्त कार्यक्रम भब्यताका साथ सम्पन्न भएको श्याम र उहाँको समुहले बताउनुभयो । लाईफ वेष्ट इनसाईडले यसै कार्यक्रमलाई सन् २०१५ र २०१६ मा जाउलाखेलमा सफलतापुर्वक सम्पन्न गरेका थिए ।